ʼn Krisis is besig om op hierdie oomblikte ontvou . . . Christene in sub-Sahara Afrika word vervolg op ʼn skaal wat nog nooit tevore gesien is nie. Islamitiese ekstremiste pleeg ongekende geweld teen Christene in plekke soos Nigerië, Burkina Faso en die Demokratiese Republiek van die Kongo – en dit dryf mense uit hul huise. Altesaam 16,2 miljoen Christene is na beraming ontwortel en ontnugter. Mense is haweloos, hooploos en honger.

En tog is die wêreld stil.

Wie sal praat? Wie sal die Here namens ons vervolgde familie in Afrika aanroep? Nie net ʼn vinnige “Help hulle asseblief, Here” wanneer ʼn e-pos opduik en binne ʼn paar minute vergeet word nie. Nie net “Ek voel vir hulle, maar ek het nou dinge om te doen” nie. Maar ʼn ware noodkreet vir ons familie in krisis – ʼn familie wat ons eie is.

Here, vergewe ons vir ons onverskilligheid.

Here, vergewe ons vir ons onkunde.

Here, vergewe ons vir ons droë oë.

Hoe moet ons vir die mees vervolgdes bid? Hoe hou ons ons familie in Afrika staande?

Geopende Deure vier vanjaar sy 70ste bestaansjaar. Die stigter, Broer Andrew, was ʼn jong man toe hy Oos-Europa in 1955 die eerste keer besoek het. Hy het tot sy heengaan in 2022 aangehou om vervolgde Christene te ontmoet om hulle aan te moedig en uit te daag. Hy het aan mense ʼn paar pragtige lesse oor gebed geleer wat ons ter harte moet neem wanneer ons vir Afrika en sy kosbare mense intree.

1. “Gebed verander ons” – huil trane van belydenis

“Wat doen gebed?” vra broer Andrew. “Ons sê dikwels: ‘Gebed verander dinge.’ Maar gebed verander eers niks nie. Behalwe jouself. Iets gebeur deur gebed. Natuurlik beantwoord God gebede, maar eerstens word ons beveel om te bid sodat ons self verander word.”

Hy het geglo dit is die dringendste ding, want ons wil aangebied word, maar nie betrokke raak nie; ons wil beveel word, maar nie verander nie; ons wil die voordele hê, maar nie die koste nie. Gebed gee ons ʼn nuwe hart.

2. “Moenie vir my bid nie” – huil trane van medelye

Broer Andrew het geweet dat gebed beteken om medelye met ander te hê. Hy het eenkeer gepraat oor hoe die Here hom aangeraak het terwyl hy Jesus se gebed in Getsemane gelees het. “Ek was só ontroer deur die toneel van Jesus. Hy is binne ʼn kort tydjie gearresteer, gemartel en doodgemaak. Jesus gaan eenkant toe om te bid, dan kom Hy terug en sien Sy dissipels slaap. Hy maak Petrus wakker en sê: “Kan jy nie ʼn uur saam met My waak nie?”

Kan ons nie ʼn uur lank saam met ons vervolgde familie in hul donker nag waghou nie?

Laat ons nie aan die slaap betrap word nie. Ons moet getrou wees. In die mate wat ons getrou is, word hulle in hul geloof versterk.

Kan ons werklik met trane van medelye bid?

Ons word geroep om te huil saam met dié wat huil en mekaar se laste te dra (Romeine 12:15, Galasiërs 6:2). Mag ons harte breek vir ons vervolgde broers en susters in Afrika en mag ons gebede vurig wees.

3. “Glo jou eie gebed” – huil trane van blydskap en geloof

Ons woorde is betekenisloos as ons nie bedoel wat ons bid nie.

Broer Andrew het dikwels verduidelik: “Ek glo letterlik dat elke deur oop is om in te gaan en Christus te verkondig, solank jy gewillig is om te gaan en nie bekommerd is daaroor om terug te kom nie.”

Dit beteken dat wanneer jy bid, jy jou eie gebed moet glo. Glo in God, dat Hy kan doen wat jy Hom gevra het om te doen, en nog baie meer. Broer Andrew het gesê: “Te veel Christene bid met hul hande toe en verwag nie regtig iets in antwoord op hul gebede nie.”

Hoe kan hierdie lesse ons help om vir Afrika te bid?

• Ons moet nie vir ons Christen-familie in Afrika bid nie, maar saam met hulle. Ons moet bid vir dit waarvoor hulle bid. En die belangrikste ding waarvoor hulle bid, is dat hul geloof sterker as die vervolging sal wees.
• Ons moet bid dat God vir ons ʼn hart vir die seerkry sal gee – wanneer hulle vervolg word, word ons vervolg.
• Ons moet in geloof bid, wetende dat God ons gebede hoor en verhoor. Hy kan die situasie ten goede verander, al vertel die wêreld ons iets anders. (Kyk hoe die krag van gebed en vennootskap ʼn impak maak in pastoor Soré se gemeenskap)

Sal jy saam met jou vervolgde familie bid en hulle tydens hul nag van vervolging ondersteun?

Sal jy help om vir die Kerk in sub-Sahara Afrika en sy mense verligting te bied?

Elke R410 kan noodskuiling gee aan ʼn Christen wat van sy huis verdryf word.

Elke R680 kan ʼn ontwortelde gelowige onderhou met kos, klere en mediese sorg.

Elke R1 470 kan ʼn maand se onderwys aan ʼn ontwortelde kind gee, om vir hulle ʼn toekoms te gee.

“Ek hou aan om tot God te bid vir voorsienigheid. En dat Hy ons nie hier moet vergeet nie. Ons sal God aanbid omdat Hy ons lewens bewaar het. Ek doen ʼn beroep op alle Christene regoor die wêreld om vir vrede te bid sodat ons na ons eie huise kan terugkeer.”
– Abraham, ʼn ontwortelde gelowige in Nigerië

Kom ons staan saam in gebed, petisie en praktiese hulp vir ons broers en susters in sub-Sahara Afrika.

*Enige oortollige fondse sal gebruik word om vervolgde Christene te versterk waar dringende hulp nodig is.